Free Public Wi-Fi Use Karna Pad Sakta Hai Mahanga Jane Kaise!

Free Public Wi-Fi Use Karna Na Pad Jaye Apko Mahanga

"Internet, Dosto aaj shayad hi koi hoga jo internet use nahi karta Buisness man apne Buisness ke liye Internet use kar raha hai Student Padhai ke liye aur comman man bhi online banking entertainment etc ke liye, Aaj har koi online rehne ke liye Internet use kar raha hai chahe mobile network se ya Free Wi-fi use karke, Agar aap aise area me rehte hai jaha Free public Wi-fi available hai to ye post apko jarur padhna chahiye.

Free milna kise acha nahi lagta hai na? ji ha hum baat kar rahe hai Free Public Wi-fi ki lakin thode se paise bachane ke liye kahi aap apna personal data to share nahi kar rahe hai kisi hacker se ?.

Actually aaj mega cities me apko kisi company ya govt. ke traf se public places jaise ki Railway station, Airport, Restaurant, coffee shop, Shopping Malls, College, Apartment etc. me apko ashani se free public wi-fi access mil jayga lakin apko pata hai free wifi kitna khatrnaak ho sakta hai free wi-fi matlab koi bhi network me connect ho sakta hai Koi bhi se humara matlab "Hackers" hai.

Hum akshar bina soche samjhe jaha Free wi-fi milta hai shuru ho jate hai lakin aaj is post me hum apko free wi-fi ke kuch aise bate batayenge jo apko hairan kar denge lakin pehle ek example samajh lete hai ki kaise free wi-fi se connect hone par apke data chori ho sakte hai.

Aapne android/pc/laptop me kabhi file sharing apps to use kiya hi hoga jo wi-fi technology use karte hai file transfer karne me jaise ki Share it, Xander, etc jaise hi file sharing apps se kisi ke mobile me connect karte hai hum unke mobile ke har files ko apne mobile me transfer kar sakte hai same yahi free wi-fi ke sath bhi hota hai yani ke agar aap kisi Free Wi-fi se connected hai to apke personal data koi bhi chura sakta hai jiske liye hackers wi-fi worm ya snooping jaise triko se attack kar sakte hai. Toh chaliye jante hai free wi-fi use karne ke phayada, nukshan aur uske bad safety tips bhi.

Free Public Wi-Fi Use Karne Ke Nukshan

1. Agar aap Online banking ya social sites use karte hai toh hackers apke Account details asani se chura sakte hai. Free Wi-Fi se online Banking karna bahut hi khatarnak hai. 2. Free Wi-fi use karne se hackers apke connected device (Android Phone/Tablet, Laptop/Pc) ko asani se access kar ke apke personal data chura sakte hai.
3. Free Wi-fi apko kabhi-kabhi porn sites par redirect kar sakte hai jo apke ip security ke liye acha nahi hai.
4. Free Wi-fi ke through hackers apke system me Malware, Spayware, aur virus jaise khatranak programs inject kar sakte hai jo ki apke Personal data churane ke sath-sath apke system ko bhi barbad kar dete hai especially apke Laptop/Pc ko.

Dosto aisa nahi hai ki Free Wi-fi ke kewal nukshan hi hai Free wi-fi ke kuch profit bhi hai chaliye jante hai Free public wi-fi ke kuch profits ke bare me.

Free Wi-fi Ke Profits

1. College students ko free wi-fi se sabse jayda labh milta hai wo bina data shulk diye ashani se online padhai aur research kar sakte hai aur jaruri ebooks etc. download kar sakte hai.
2. Agar aap travel jayda karte hai toh emergency ke liye aap free wi-fi use kar sakte hai.
3. Women's ke liye bhi free wi-fi important hai jo jobs karti hai emergency me free wi-fi use kar sakti hai.
4. India me bahut se aise log bhi hai jo 3g/4g afford nahi kar sakte wo Free public use kar sakte hai.

Dosto apne uper Free wi-fi ke Nukshan aur profits ke bare me jana ab hum apko batayenge ki Free public Wi-fi use karte samaye apko kya-kya sawdhaniya baratni chahiye.

Free Public Wi-fi Use Karne Se Pehle Sawdahniya

1. Sabse important hote hai apke personal data free wi-fi use karne se pehle apna Online banking, E-Mail, Social accounts etc. se log out kar de kyu ki hackers apke personal data par hi focus karte hai. Ho sakta hai aap logout karna bhul jaye is liye strong passward use kare taki asani se hack na ho.
2. Site open karte time ye jarur check kare ki site apke browser ke url box me https:// se khul raha hai ya http:// se agar http:// se open hai to ye ek unsecured website hai.
3. Second Space- Ajkal Smart phones me Second Space feature bhi a rahe hai aap free public wi-fi use karne ke liye second space use kar sakte hai.
4. Aajkal Hum apne mobile me apne Bank Account, Credit/Debit card details ke sath-sath family photos, videos etc bhi store karke rakhte hai public Wi-Fi use karne se pehle personal details encrypt kar de ya ho sake to unhe delete kar de.
5. Free wi-fi use karte samaye online banking ya payment karne se bache agar important hai toh pehle apne bank ke url me https:// hai ya nahi check kare.
6. Hackers Wi-fi Worm naam ka ek special program apke system me access karne ke liye use kar sakte hai is liye apne device me ek acha sa trusted Antivirus software rakhe taki koi hacker apke system me access karne ke liye program inject kare toh antivirus detect karke use delete kar de.
7. Sabse dhayan dene wali baat apne wi-fi setting me jake Auto-connect band kar de. Aap wahi free wi-fi use kare jo trusted ho.
8. Free Wi-fi se call karte samaye aise bat karne se bache jisme apke confidential details hai jaise Banking Details, E-mail details etc.
9. Ho sake toh apne mobile me encrypted aur secure connection ke liye VPN use kare.

Dosto ye the Free public Wi-fi use karne se hone wale Kuch phayada aur nukshan aur security tips agar aap free wi-fi chalana hi chahte hai to uper ke tips jarur follow kare nahi toh thode se phayada ke liye kahi apko bhari nukshan na uthana pade
Agar apko information acha laga toh apne Family aur friends ko social network me share jarur kare taki woh bhi Free wi-fi se hone wale nukshan ke bare me alert rahe

Related Article:-
Janiye Wo 7 Trike Jinse Hackers Apke Net Banking/Debit/Credit Se Paise Chura Sakte hai