Android Mobile Ko Pc Ke Bina Root/Unroot Kare.

How to root android Mtk device without Pc

Hello dosto aajke is article me mai apko android mobile ko simple or safe tarike se root karne ke bare me batane ja raha hu. Post thoda lengthy hai padhne me thoda boring lag sakta hai but Mobile root karne ke bare me pura jaankari hai toh chalo age badhte hai. Waise to android ko root karne ke 2 Methods hai Pc method or without Pc (Android app) method lakin sabke pass Pc to nhi hota hai is liye mai bina pc ke root karne ke bare me batane jaa raha hu. Expert users ke liye dono hi method simple hai but kuch new Android users ko first time root karne me thoda dikkat ata hai. Lakin Without Pc method se koi bhi apne mobile ko 20 seconds me aasani se root/unroot kar sakta hai.

Dosto aage badhne se pehle Root karna akhir hota kya hai or isse kya faida or nuksaan hota hai iske bare me thoda jaankari hona bahut zaruri hai bhot se sites me apko root karne ke articles mil jayenge jinme shortcut or adhuri jaankari likha hota hai puri jaankari na hone se kafi problems ka samna karna padta hai lakin iss post me apko puri step by step jaankari mil jaygi jisse aap aasani se root kar sakte hai. Toh chaliye jante hai Android ko root karne se kya-kya hota hai.

Root karne ka matlab hota hai Android ke system me user ka full control yani ki Android ko hack karna(Admin Access). Hum rooted android device me kuch bhi kar sakte hai jaise ki Coustom Rom flash karna, Android version ko update karna, Ek hi Android me 2 whatsapp,facebook etc. Ke account use karna, New Features, Kuch users ko games khelna pasand hota hai lakin 2-4 lenghty games install karne ke baad internal memory full ho jata hai root karne ke baad aap Apps ko Sd card me move kar sakte hai jisse aapke mobile ka internal memory khali rahega or aapka mobile hang nhi hoga or app jayda se jayda games or apps install kar sakte hai or bhi bhut sare experiments kar sakte hai. root karne ke baad aapko khud experience ho jayga.

Uper aapne root karne ke profits yani ke root karne se hone wale faido ke bare me padha ab mai aapko root karne se hone wale problems ke bare me bata raha hu root karne se phone me "soft brick" "bootloop" hona common problems hai simple word me kahu to jaise hi aap apna phone switch on karenge aapka phone Company ya mobile ke model name ke logo me hang/freeze ho jayga lakin darne ki baat nahi hai aapka mobile bekar nhi hua hai apko sirf apne mobile ka fresh Rom flash karna hai jo google me search karke easly mil jayga or rom flash karte hi aapka mobile theek ho jayga waise Soft brick hona rare chance hai isliye darne wali koi baat nahi hai.

Root Karne Ke liye Kya-kya Requirements hai.

1. Root karne ke liye Android app (Niche diye gaye link se download kar sakte hai)

2. Android mobile With MediaTek Mtk Chipset CPU-Z App (Google Play Link) se aap check kar sakte hai ki aapke mobile me konsa chipset hai MediaTek (Mtk) ya Qualcomm etc.

3. CWM (clockworkmod) Recovery ya TWRP Recovery (very Important)CWM (clockworkmod) Recovery ke bare me post ke niche pura information hai.

4. Mobile ka battery kam se kam 70% charge hona cahiye. (Most Important)

5. Root karne se pehle Backup and Restoreme jakar Mobile ka Backup jarur bana le.

Dosto ye kuch precaution or requirements the ab chalte hai Root karne ke steps ki taraf niche maine best Apps ke download links or framaroot se root karne ka example diya hai agar aapka mobile Framaroot se root nhi hoga to aap dusre apps try kar sakte hai steps same rahenge...

Agar aap root karne ke liye ready hai toh 100% success ke liye sare steps dhyaan se follow kare .....

# 1. Framaroot –se Android mobile kaise root karte hai.

"Framaroot" root/unroot karne ke liye top apps me se ek hai Framaroot mera bhi favorite app hai kyunki ye app almost sabhi Mtk devices ko support karta hai isme success hone ke 98% chance hota hai. Framaroot ko use karna bahut easy hai jaise hi aap iss app ko install karke open karenge aapke samne kuch options honge bas option ko select kare kuch hi seconds me aapka mobile root ho jayga agar kisi wajah se root nhi hua hoga toh apko "Root fail" ya aisa hi koi or message ya notification ayga. Ab step by step follow kare...

Step 1.

Sab se pehle apne mobile me Framaroot Download karke install kare
Official site Link
Google play Link

Step 2.

Install karne ke bad apke samne kuch Options honge ab apko Drop-Down list se "Install SuperSU" or niche exploits list se kisi ek ko select karna hai (Gandalf,Faramir, Boromir, Pippin, Legolas, Sam, Frodo, Aragorn,Gimli etc.) agar kaam na kare toh ek-ek karke sabhi ko try kare jo apke mobile ke system se match kare. Ab Root Button ko click kare kuch seconds ke processing ke baad apka mobile root ho jayga.

Step 3.

Agar apka mobile successful root ho jayga toh apke mobile me ek message pop-up hoga "success :-)...superuser and su binery installed. You have to reboot your device." ab apne mobile ko reboot kare or check kare ke superSu naam ka app install hua hai ya nahi agar superSu app installed hai to apka Mobile Root ho chuka hai cheers!....

Framaroot Mtk chipset ke sabhi Android device (Samsung, karbonn, Micromax, Celkon, Lava or sabhi Chinese Android etc.) me 100% kaam karta hai phir bhi agar aapka mobile root na ho to ye kuch or apps hai umeed karta hu ye jarur kaam krenge

1. VRoot- DOWNLOAD VROOT Vroot se maine apna pehla mobile Karbonn titanium s5+ ko root kiya tha jo MTK chipset based tha. Vroot One click root app hai bahut hi aasni se android ko root kar sakta hai. Simply install kare or open karke "Root button" ko click kare aapka mobile root hote hi reboot ho jayga.

2. Z4Root- DOWNLOAD Z4ROOT Is app me aapko 2 options milenge "permanent root or Temporary root" agar aap Permanent root karna chahate hai to Permanent ko select kare otherwise Temporary ko select kare.

3. CF Auto Root - DOWNLOAD CFROOT Ye aap Samsung phones ko better support karta hai agar apke pass Samsung smartphone hai to ise jarur try kare.

4. Kingroot-DOWNLOAD KINGROOT Kingroot same vroot ki trah hai lakin isme kuch minor updates kiya gya hai ye Android 4.4+ ko root kar sakta hai jo Mtk chipset me run karta ho.

Umeed karta hu inme se at least ek app se aapne mobile ko safhalata se root kar liya hoga. Ab root karne ke baad ek bahut hi important kaam karna hota hai Mobile me Recovery "Rom" flash karne Recovery rom flash karne se aap safe-side me rahoge kyu ki Recovery se aap apne mobile ka full backup bana sakte hai. Internet me apko 2 tarah ke recovery rom mil jayenge ek hai "CWM (clockworkmod) Recovery" or dusra TWRP Recovery. Recovery file lagbhag 5mb-20mb size ke hota hai (size mobile ke rom me depend karta hai). Lakin aapko bata dena cahata hu ki CWM (clockworkmod) Recovery best recovery rom hai ye lagbhag sabhi Android ko support karta hai maine bhi apne mobile me install kiya hua hai. CWM (clockworkmod) Recovery Ko aap 2 tariko se flash kar sakte hai ya toh direct CWM Recovery android app se ya phir Download karke. Recovery rom flash karne ke liye steps ko follows kare...

1. Recovery rom ko download karke flash kaise kare

1. Sabse pehle apne mobile ka "CWM (clockworkmod) Recovery" google me search kare for example, agar aapka mobile ka model "Samsung j6" hai to aap "CWM (clockworkmod) Recovery for Samsung j6" type karke search karenge ab site me jake rom file download kare rom file .zip format me hoga or rom .rom but apko zip ko open nhi karna hai file download hone ke baad file ko SD card ke root me store kare taaki aasani se mil jaye. Agar aap direct aap se CWM Recovery rom flash karna chahate hai toh aap Rom Manager se kar sakte hai Rom manager aap me dono options hai

2. Manually SD card se flash karne ke liye apne mobile ke Recovery mode me jaye recovery mode me jane ke liye key combinations hote hai har mobile ka apna alag key combinations hota hai. Recovery mode me jane ke liye Mobile Switch off kare ab 5-6 seconds ke bad apka mobile vibrate hoga iska matlab Apka mobile puri tarah Switch off ho chuka hai ab
'volume up button + power button'
ya
'volume down button + power button'
ya
'volume up + volume down + power button'
ko kuch seconds tak dabake rakhe jaise hi mobile ka logo aye button ko release kar de aap recovery mode me pahuch jayenge jo kuch iss screenshot ki tarah hoga.

Agar aap Recovery mode me jane ka key combinations nahi mila toh simply aap is app ko download karke Recovery mode me jaa sakte hai Quick Boot (Reboot) App ko open karke Recovery optin ko click karte hi aapke mobile recovery mode me chala jayega, Recovery mode me touch kaam nhi karta old mobiles toh Volume up ko aap uper ke liye or volume down button ko niche jane ke liye or power button ko ok karne ke liye use kar sakte hai.
Recovery mode me ab aapke samne "install zip from SDcard" , "update from SDcard" ya "install zip" ka option ayega bas apko use highlight karke power button se ok karna hai or aapne jo step 1 me Recovery file download ki hai use select karna hai ab flashing process start ho jayga or kuch hi minute me aapka mobile apne aap reboot hoga done!
Aapne CWM (clockworkmod) Recovery install kar liya hai ab aap key combination ya Quick Boot app se phir se Recovery mode me jaye is baar apko kuch naye options show honge jaise ki Backup and Restore, Advanced etc.

Bas hame 'Backup and Restore' option ki zarurat thi ab aap apne mobile ka full backup kar sakte hai backup karne se aapke mobile ka sab kuch yani aapke mobile ka Rom, mp3, sms, contects, videos, apps data ke sath sab kuch backup ho jayega. Agar aapne CWM Recovery install kiya hai toh aapka backup aapke SD card me "clockworkmod" folder me save hoga iske liye aapke SD card me paryapt space hona jaruri hai or battery 70% charge hona cahiye. Ab aapne apne mobile ko puri trah root kar liya hai or mobile me experiment karne ko ready hai by chance agar aapke mobile me kabhi Bootloop ya koi or problem aye to Recovery mode me jake backup ko Restore kar le . Ek baat agar apke mobile ke
Note :- Ye tutorial educational purpose ke liye hai.
Post se related Koi question ho to comment jarur kare....